حظك يوم التلات

[row_fluid][2_12]

[/2_12][10_12]الخروف
اليوم مش يومك نكد من الصبح لبليل، إجتنب أي حاجة فيها ضحك لأن النتايج عكسية
إمبارح كنتي هايلة والوصفة اللي عملتيها كانت خرافة، هيجيلك هدية من واحد غريب[/10_12][/row_fluid]
[row_fluid][2_12]

[/2_12][10_12]الطور
الأسبوع ده كله هتقضيه خناقات مع الناس، إعمل حسابك في فلوس عشان العلاج
جوزك هيحب عليكي وبكل بجاحة هيقولك على كل حاجة، شدي حيلك[/10_12][/row_fluid]
[row_fluid][2_12]

[/2_12][10_12]الجوزتين
مش معنى إن المدير مبسوط منك إنك تتمرع وتطلب إيد بنته، هتترفض وقفاك هيقمر عيش
إيه معنى الحب طالما مفيش حبيب، إتلهي وركزي في حاجة مفيدة[/10_12][/row_fluid]
[row_fluid][2_12]

[/2_12][10_12]الكابوريا
حذرتك قبل كدة من الجري ورا البنات ومسمعتش الكلام المرة دي لو مسمعتش الكلام هتاخد علقة حلوة
لو جالك فارس أحلامك أول حاجة تطلبيها تكون العصمة في إيدك عشان هيطلع ندل[/10_12][/row_fluid]
[row_fluid][2_12]

[/2_12][10_12]سبع البرومبة
حاول متصرفش فلوس كتير لأنك هتتزنق فيها قريب وبطل تبعت إس إم إس على قنوات الفيديو كليب
خلصتي كل فلوسك على واحد مايستاهلش، إسمعي كلامي وسيبك منه، في كتاب طبيخ نزل السوق بيقولو عليه حلو[/10_12][/row_fluid]
[row_fluid][2_12]

[/2_12][10_12]خضرا الشريفة
هتضرب خناقة جامدة مع أبوك لأنه هيقفشك وإنت بتسموك، ماهو لو كان رباك عدل مكانش حصل كدة
أهلك هيكتشفو العلاقة اللي بينك وبين إبن الجيران، إلحقي ولعي في الجوابات بتاعته وبلاش تستنيه قدام الحضانة عشان الميس بتاعته هتشوفك[/10_12][/row_fluid]
[row_fluid][2_12]

[/2_12][10_12]أبو كفتين
يا أخي إنطق بقى دالحجر نطق، هتفضل ساكت لحد ماتروح منك، أنا حذرتك وماليش دعوة
طبيخ كل يوم مش هينفع، إعملي حاجة جديدة، جربي تعملي نيو لوك للقطة بتاعتك مثلا[/10_12][/row_fluid]
[row_fluid][2_12]

[/2_12][10_12]الحنش
هتخلص شغلك وتروح على بيتكو جرى في مفاجأة مستانياك في البيت مراتك عملالك محشي ورق عنب
كل اللي فات كوم واللي جاي كوم تاني، لو مبتعرفيش تطبخي إتعلمي عشان هيجيلك ضيوف في البيت قريب[/10_12][/row_fluid]
[row_fluid][2_12]

[/2_12][10_12]النبلة
لسة الموضوع إياه محيرك، نصيحة مني سيبك منه ده موضوع مايستهلش، ماهو لو كان فيه خير مكانش رماه الطير
جارتك بتعاكس جوزك وانتي مش دريانة، وحماتك مستحلفالك عشان مجبتلهاش الطلب اللي طلبته منك الإسبوع اللي فات[/10_12][/row_fluid]
[row_fluid][2_12]

[/2_12][10_12]التيس
واحد صاحبك وعزيز عليك عايز يتجوز، بس مش عارف يطلب إيد العروسة الشمال وللا اليمين، وهيطلب مساعدتك
الشتا عامل عمايله معاكي لا كريمات نافعة ولا زبدة كاكاو نافعة ولا أي حاجة نافعة، إشربي ليمون متلج[/10_12][/row_fluid]
[row_fluid][2_12]

[/2_12][10_12]الجردل
واحد قريبك من بعيد هيقابلك صدفة هيعرفك ومش هتعرفه هيعزمك عالغدا، روح معاه طبيخ مراته طبيخ مالأخر
شغل البيت كتر ومش ملاحقة عليه، هاتي شغالة تساعدك بس جوزك هيحبها ويتجوزها عليكي ويشغلك عندها[/10_12][/row_fluid]
[row_fluid][2_12]

[/2_12][10_12]البساريا
إيه اللي جرالك ما كنت كويس، شكلك كدة واقع في مشكلة جامدة متقلقش المشكلة هتتنيل أكتر، إجمد وماتبقاش خرع
يمكن خطيبك يسيبك، مش هيقولك السبب، بس السبب إنه بيحب عليكي، قوليلو إنك راضية، لو راح منك مش هتلاقي عرسان تاني[/10_12][/row_fluid]